ديوان: نور للشاعرة ولاء عزت : رقم الإيداع بدار الكتب المصرية 21280/2009 الترقيم الدولى 978-977-374-522-4
***************************
أنا أو مش أنا
مسيح أد عمره تنعد صلبانه
متخبى جوا منى ضلوعي قضبانه
عايش مليون حياه
ولا يحيا يوم ذاته
مخلوق من طينة مُره
معجونه بسكاتُه
يتمني إنه يرسى على بر الوجود
خايف إنى أنسى نبضه جوا مني
إزاي أفك قيدك
وإنت اللى ساجنى
الوحدة عتمه
وأنا نبته فى أرض بور
مد لى إيدك ويكفى
إن صليبك نور
* قصيدة (أنا أو مش أنا) للشاعرة ولاء عزت نُشرت فى موقع دنيا الرأى رابط :
http://pulpit.alwatanvoice.com/content-197135.html
حكاية الليلة مش عجباني
جنى ف قمقم
وأمير تانى
كنز ساحر
وملك قادر
خصمه فارس معجبانى
طب لما العتمة لابد تزو ل
والكلمه بتخرق عين الغول
صاحب الحق صبره يكفى
صاحب الوعد ديماً يوفى
ليه النور عنا مستكفى
ف قلب الشده يتوه القول
حكاية الليلة مش عجبانى
حقيقة الدنيا هناك فيتانى
قصيدة (حقيقة الدنيا) للشاعرة ولاء عزت نُشرت فى موقع دنيا الرأى رابط :
القنديل الوحيد
قنديل وحيد ف الليل
ضيه للخلايق ونس
لا عمره سار ف موكب
ولا يوم يلاغي الحرس
تبات النجوم والأحبه
فى نوره مضفرين
ولما يعدي النهار
ع الدنيا يستخبى
يحلم بعيد وقمره
تهديه دفا الرفقه
يصحي على تنهيدة
كروان بحس جميل
تعود النجوم تلقاه قنديل وحيد ف الليل
* قصيدة (القنديل الوحيد) للشاعرة ولاء عزت نُشرت فى موقع دنيا الرأى رابط :
